තොරතුරු තාක්ෂණය සම්මන්ත්‍රණය

2019 වර්ෂයේ අ. පො. ස සාමාන්‍ය පෙළ විභාගය සඳහා පෙනී සිටින සිසුන් ඉලක්ක කර ගනිමින් සම්මන්ත්‍රණ මාලාවක් අප විද්‍යාලයේ පැවැත්වෙන අතර ඉන් තොරතුරු තාක්ෂණය විෂය සඳහා වූ සම්මන්ත්‍රණය කලාප අධ්‍යාපන කාර්යාලයේ මෙහෙයවීම යටතේ 2019-10-25 දින විද්‍යාලයීය පරිගණක විද්‍යාගාරයේ දී පැවැත්විණි.

          මේ සඳහා සම්පත් දායකත්වය දක්වන ලද්දේ මාවනැල්ල පරිගණක සම්පත් මධ්‍යස්ථානයේ සේවය කරන මේඝසූරිය මහත්මා, අනෝමා මහත්මිය සහ අශෝකා මහත්මියයි.

රිවිසඳ මධ්‍ය විද්‍යාලය, ගනේතැන්න මහ විද්‍යාලය, සුමංගල විද්‍යාලය, මානික්කාව කණිෂ්ඨ විද්‍යාලය හා බැමිණිවත්ත මහ විද්‍යාලය යන විද්‍යාල වලින් සිසුන් 50 ක් පමණ මේ සඳහා සහභාගී විය.

මෙහිදී සාමාන්‍ය පෙළ තොරතුරු තාක්ෂණය ප්‍රශ්න පත්‍රය සකස් වන ආකාරය, ලකුණු ලබා දීමේ පිළිවෙල හා පතුයට පිළිතුරු සැපයිය යුතු ආකාරය පිළිබඳව සිසුන් දැනුවත් කළ අතර අනුමාන ප්‍රශ්න පත්‍රයක් සාකච්ඡා කිරීමද සිදුවිය. මේ හරහා සිසුන්ට විභාගයට ශක්තිමත්ව මුහුණ දීම සඳහා හොඳ මඟ පෙන්වීමක් ලැබුණු බව කිව යුතුය.  

ශිෂ්‍ය ආකල්ප සංවර්ධනය වැඩසටහන

ඔක්තෝබර් 01 දිනට යෙදී  තිබූ ලෝක ළමා දිනය හා වැඩිහිටි දිනය සැමරීම සඳහා අප විද්‍යාලය විසින් වැඩසටහන් රැසක් සංවිධානය කර තිබූ අතර එහි එක් වැඩසටහනක් ලෙස 2019-10-04 දින අරණායක ප්‍රාදේශීය ලේකම් කාර්යාලයේ නිලධාරී මහත්ම මහත්මීන්ගේ සහයෝගයෙන් “වැඩිහිටියන්ට ගරු කරමු, ඔවුන්ට සලකමු, යහපත් ආකල්ප ඇතිකර ගනිමු”  යන්න තේමා කරගනිමින් ශිෂ්‍ය ආකල්ප සංවර්ධනය වැඩසටහනක් ක්‍රියාත්මක කරන ලදී.

මේ සඳහා අප පාසලේ 10 ශ්‍රේණියේ සිසුසිසුවියන් 250ක් පමණ සහභාගී වූ අතර එහිදී ඉතා වටිනා අත්දැකීම් රැසක් ලබා ගැනීමට ඔවුනට හැකිවිය. මෙම වැඩසටහන සදහා සම්පත් දායකත්වය ලබාදුන් මහත්ම මහත්මීන් වන්නේ

උපාලි රූපසිංහ මහතා (සෞඛ්‍ය අධ්‍යාපන නිලධාරී)

එන්. සාගරිකා කුමාරි මහත්මිය(වැඩිහිටි හිමිකම් ප්‍රවර්ධන නිලධාරිනී)

ගයානී හරිස්චන්ද්‍ර මහතා (උපදේශන නිලධාරිනී)

සමන් ගලපිට මහතා(ආපදා කළමනාකරණ නිලධාරී) යන අයයි.

ගුරු දින සැමරුම

2019.10.06 වන දිනට යෙදී තිබුණු ගුරු දින සැමරුම අප පාසල විසින් 2019.10.07 වන දින සමරන ලදි.ඒ සඳහා ප්‍රථමයෙන් තූර්ය වාදක කණ්ඩායම විසින් ගුරුවරුන් පිළිගෙන උත්සව සභාව වෙත රැගෙන ඒන ලදි.

‍අනතුරුව තක්ෂිලා සිසුවිය විසින් ගුරුවරුන් මහත් හරසරින් පිළිගන්නා ලද අතර සිසු සිසුවියන් විසින් විවිධ විශේෂාංග රැසක් ඉදිරිපත් කරන ලදි.

අනතුරුව ශිෂ්‍යනායක මණ්ඩලය විසින් ගුරු වන්දනාව සිදු කරන ලදි.ඒ සඳහා පාසලේ සියලුම සිසුන් සහභාගී විය.උත්සවය අවසානයේ සමෝද සිසුවා විසින් ස්තූති කථාව සිදු කරන ලදි.

Headstart ආයතනය මඟින් පවත්වන ලද දෙවන ගුරු පුහුණු වැඩසටහන

රිවිසඳ ආචාර්ය මණ්ඩලය සඳහා විශේෂ ගුරු පුහුණුවක් 19.11.03 වන දින  Head-start ආයතනයේ දුල්ප සූරියආරච්චි මහතා විසින් පවත්වන ලදි.ඒ සඳහා අවශ්‍ය සහාය රිවිසඳ smart school කණ්ඩායම විසින් ලබාදෙන ලදි.

මෙම පුහුණුව සඳහා ගුරු මහත්ම මහත්මීන් 35 ක් සහභාගී වූ අතර මෙහිදී '' Sway " භාවිත කරමින් පාඩමක් ඉදිරිපත් කරන අයුරු ද , " Forms '' භාවිත කරමින් Form සාදා ගන්නා අයුරු සහ Quiz සාදා ගන්නා ආකාරය පිළිබඳව පුහුණුව ලබාදෙන ලදි.

ගුරු පුහුණුව - Headstart ආයතනය සමඟින්

2019.10.03 වන දින රිවිසඳ ආචාර්ය මණ්ඩලය සඳහා විශේෂ ගුරු පුහුණුවක් පවත්වන ලදි.‌‌‌වැඩසටහන ‌මෙහෙයවන ලද්දේ Headstart ආයතනයේ දුල්ප සූරියආරච්චි මහතා විසිනි.ඒ සඳහා අවශ්‍ය සහාය රිවිසඳ smart school කණ්ඩායම විසින් ලබාදෙන ලදි.

මෙහිදී පළමුව නැණස smart school වැඩසටහන සහ  රිවිසඳ smart school කණ්ඩායම පිළිබඳව හඳුන්වාදීමක් සිදු වූ අතර දින 05 ක් පුරාවට ICBT ආයතනයේදී පැවති වැඩසටහන් වලදී රිවිසඳ smart school කණ්ඩායම වෙත ලබා දුන් තාක්ෂණික දැනුම සහ ඒවායේ වැදගත්කම පෙන්වා දෙන ලදි.

මෙහිදී Forms, Sway, GOOGLE EARTH සහ Kahoot හි පිළිබඳව ගුරු මණ්ඩලය දැනුවත් කරන ලදි.

පැය 3 ක් පමණ පැවති වැඩසටහනෙන් පසුව ස්තූති කතාව පැවැත්වූ පාසලේ නියෝජ්‍ය විදුහල්පති රූපතුංග මහතා විසින් headstart ආයතනය වෙත පාසලේ ස්තූතිය පළකල අතර පාසල තුල ඉගැන්වීම් ක්‍රියාවලිය සඳහා හැකි තරම් තාක්ෂණය භාවිතා කරනා ලෙස ගුරුවරුන්ට උපදෙස් ලබාදෙන ලදි.

මෙලෙස headstart ආයතනයේ ප්‍රධානත්වයෙන් පැවති පරිගණක පුහුණු වැඩසටහන සාර්ථකව නිමවිය.

office 365 software

office 365 software යනු head start ආයතනය මඟින්  cloud computing පිළිබඳ  අපට ලබාදුන් විශේෂ සේවාවකි.එහිදී office 365 software එකේ භාවිතයන් රැසක් ඉගෙන ගැනීමට අපට හැකි විය.

පළමුව office 365 software තුලට log වෙමු

web browser Google chrome වැනි web browser ඒකක් භාවිතාකර www.office.com  ලෙස type කරන්න.

එහි ඇති Microsoft 365 මත click කරන්න.එවිට පහත ආකාරයට පෙන්වනු ඇත.

   

                                                    

එහි ඇති sign in මත click කරන්න.ඔබගේ office 365 ගිණුමේ user name එක type කරන්න.

next click කරන්න.

                                       

ඉන්පසු password type කරන්න.sign in මත click කරන්න.
                           

එවිට ලැබෙන dialog box එකේ NO මත click කරන්න.

දැන් ඔබ office 365 වෙත පිවිසී අවසානයි.office 365 හි භාවිතා වන App සියල්ල පහත පරිදිය.

එහි ඇති App එකින් එක භාවිතා වන ආකාරයන් බලමු.

Creating forms with office 365

මෙමගින් forms සහ  Quizzes  සාදා ගත හැකියි.එනම් ප්‍රශ්න පත්‍ර සෑදීමට සහ ප්‍රශ්නාවලි සෑදීම සඳහා මෙය භාවිතා කල හැක. පහත දක්වා ඇති window එකේ forms මත click කරන්න.
create a new form මත click කරන්න.

එවිට පහත පරිදි පෙන්වයි.එහි New form මත click කරන්න.

අලුතෙන් form එකක් පටන් ගැනීම සඳහා Add new මත click කරන්න.

අපි ප්‍රශ්න මාලාවක් සෑදිමේදි විවිධ ආකාරයෙන් ප්‍රශ්න සාදයි.forms  භාවිතයෙන් ද විවිධ ආකාරයේ ප්‍රශ්න සෑදිය හැකිය.

choice යනු පිළිතුරු කිහිපයක් ලබාදී නිවරදි පිළිතුරු තෝරා ගැනීමට හැකි ආකාරයේ ප්‍රශ්නයකි.

Text යනු පිළිතුර type කල හැකි ආකාරයේ ප්‍රශ්නයකි.

Rating යනු පිළිතුර rate  කල හැකි ආකාරයේ ප්‍රශ්නයකි.

Date යනු පිළිතුර ලෙස දිනයක් ලබාගත  හැකි ආකාරයේ ප්‍රශ්නයකි.

ඉහත ඕනෑම ආකාරයක ප්‍රශ්න සෑදිමේ හැකියාවක්  ඇත.

අපි ප්‍රශ්න කිහිපයක් හදමු.

a) පිළිතුරු කිහිපයක් ලබාදී නිවරදි පිළිතුරු තෝරා ගැනීමට හැකි ආකාරයේ ප්‍රශ්නයක්.

         

මෙහි ඇති choice මත click කරන්න.question මත click කර අවශ්‍ය ප්‍රශ්නය type කරන්න.

option 1 මත click කර පළමු පිළිතුර type කරන්න.option 2 මත click කර දෙවන පිළිතුර type කරන්න.

එවිට පහත ආකාරයෙන් පෙනේ.

                                   

Text ආකාරයේ ප්‍රශ්නයක් සැදීම.

ඉහත ආකාරයෙන් විවිධ ආකාර වලින් ප්‍රශ්න සාදා ගත හැකියි.

පරිගණක පුහුණු වැඩසටහන - sinhala typing

Smart school කණ්ඩායම විසින් පාසලේ තෙවන පරිගණක පුහුණ වැඩසටහන වශයෙන්  ආචාර්ය මණ්ඩලයේ තෝරාගත් පිරිසක් සඳහා සිංහල typing භාවිතය පිළිබඳ වැඩමුළුවක් පවත්වන ලදි. ඒ සඳහා පාසලේ ගුරු මහත්ම මහත්මින් පිරිසක් සහභාගී විය. එහිදී sinhala typing සිදු කල හැකි විවිධ ක්‍රම කියා දීමට අපට හැකි විය.

පරිගණක පුහුණු වැඩසටහන - basics of computer

Smart school කණ්ඩායම විසින් පාසලේ දෙවන පරිගණක පුහුණ වැඩසටහන වශයෙන්  ආචාර්ය මණ්ඩලයේ තෝරාගත් පිරිසක් සඳහා මූලික පරිගණක භාවිතය පිළිබඳ වැඩමුළුවක් පවත්වන ලදි. ඒ සඳහා මූලික පරිගණක දැනුම දුර්වල තත්වයේ පවතින ගුරු මහත්ම මහත්මීන් පිරිසක් සහභාගි විය.

සිසු සිසුවියන් සඳහා Office 365 ගිණුම් හඳුන්වා දීම - Grade 10

10 ශ්‍රේණියේ සිසු සිසුවියන් සඳහා office 365 ගිණුම් හඳුන්වා දීම

අප පාසලේ 10 ශ්‍රේණි සිසු සිසුවියන් සඳහා office 365 ගිණුම් හඳුන්වා දීමේ වැඩසටහනක් ක්‍රියාත්මක විය.මෙහිදී මෙම ගිණුම භාවිත කරනා ආකාරය සහ එහි ඇති ප්‍රයෝජනත් ගිණුමට ප්‍රවේශ වන ආකාරයත් දරුවන්ට පැහැදිලි කර දුන් අතර ඉදිරියේදී පවත්වනු ලබන ප්‍රායෝගික පුහුණුවක් මඟින් ඔවුන්ට අවශ්‍ය පුහුණුව ලබාදීමට අපේක්ෂිතය.

පරිගණක පුහුණු වැඩසටහන -introduction to office 365

පාසලේ පළමු පරිගණක පුහුණ වැඩසටහන වශයෙන්  ආචාර්ය මණ්ඩලයේ තෝරාගත් පිරිසක් සඳහා office 365 ගීණුම් භාවිතය පිළිබඳ වැඩමුළුවක් පැවැත්වීමටද අප කණ්ඩායමට හැකි වීය.

  

රිවිසඳ ළමා දින සැමරුම

රිවිසඳ විද්‍යාලයීය විශ්ව ළමා දින සැමරුම -2019

විශ්ව ළමා දිනයට සමගාමිව රිවිසඳ ජාතික පාසලේ 2019 වර්ශයේ ළමා දින සැමරුම මෙසේ පවත්වන ලදී. එදින විශේෂිත වැඩසටහන මෙහෙයවන ලද්දේ පාසලේ ආචාර්ය මණ්ඩලයේ තුසිත අබේරත්න ගුරු මහතා සහ ශශිනිකා සමරසිංහ ගුරු මහත්මිය විසිනි.

                               

පළමුව විදුහල්පතිතුමා විසින් දරු දැරියනට විශ්ව ළමා දින සැමරුම වෙනුවෙන් සුභපැතුම් එක් කරන ලදි.

ඉන්පසුව සංජීව ඥානරත්න මහතා විසින් ළමුන් වෙනුවෙන් ළමා දිනයක ඇති වැදගත්කම සහ ළමුන්ට

තම ජීවිතය ජය ගැන්මට අවශ්‍ය උපදෙස් රැසක්ද සමඟින් අර්ථවත් දේශනයක් පවත්වන ලදි.

පසුව පාසලේ ආචාර්ය මණ්ඩලයේ ගුරු මහත්ම මහත්මීන් විසින් දරු දැරියන් වෙනුවෙන් විනෝදානාත්මක

වැඩසටහන් කිහිපයක් පවත්වන ලදි.

විශ්ව ළමා දින සැමරුම හා සමගාමීව සමරනු ලබන විශ්ව වැඩිහිටි දිිනය වෙනුවෙන් පාසලේ 
ශිෂ්‍ය නායිකාවක් වන තක්ෂිලා ශිෂ්‍යාව විසින් කතාවක් පවත්වන ලදි.

අවසන් වශයෙන් නියෝජ්‍ය විදුහල්පතිතුමන් විසින් පැවැත්වූ ස්තූති කතාවෙන් අනතුරුව 2019 විශ්ව ළමා දින
සැමරුම අවසන් කරන ලදි.